Обука за одржливи еко-практики

   

Обуката за одржливи еко-практики во СУГС „Владо Тасевски“ поттикна креативни образовни иницијативи
Во средното училиште „Владо Тасевски“, наставничкиот кадар учествуваше во обука посветена на развивање еколошка свест и интегрирање на одржливи практики во наставата и училиштето, а поддржана од БРО и организирана од Академија ЦЕС преку обучувачите Александра Петровска и Александра Блажевска.
Преку интерактивен пристап и тимски активности, наставниците генерираа идеи за иницијативи кои ќе можат да се применат во рамки на училиштето, локалната заедница и соработка со надворешни чинители. Обуката беше фокусирана на:
развивање на еко-активности со учениците,
ангажман на училишниот менаџмент,
поддршка и партнерства со институции и организации.
Посебен акцент беше ставен на практична примена – наставниците изработија насоки и идеи кои може да прераснат во конкретни проекти, волонтерски акции, ученички клубови и тематски секции.
Обуката заврши со споделување на најиздвоените предлози и предложени модели за имплементација во текот на учебната година, со јасна цел: одржливо училиште со активни ученици, посветени наставници и вмрежена заедница.
Scroll to Top