Директор и управни органи
За директор
Александар Сибиновски е роден на 23.12.1984 година во Тетово, Р.М.
Своето средно образование го завршил во ДСУ „Кочо Рацин“ – Скопје во 2003 година, а во 2009 година ги завршил своите студии на Универзитетот „Св.Кирил и Методиј“ Скопје, на факултет за физичка култура во Скопје и се здобил со стручен назив дипломиран професор по физичка култура. Како љубител на спортот, се докажал во повеќе спортови, но најмногу се истакнал во пливање и скијање и станал лиценциран инструктор за тие спортови. Својата кариера како наставник по спорт ја започнува од 2012 година во СУГС „Владо Тасевски“ – Скопје, каде ја извршува својата работа совесно и одговорно и тоа како кон учениците, така и кон своите колеги и претпоставени.
Преку посетувања на разни обуки, семинари, учества на проекти и презентации се стекнува со одлични комуникациски вештини и организациски способности и во септември 2018 година е назначен за вршител на должноста Директор на училиштето се до февруари 2019 година, кога е назначен за Директор на СУГС „Владо Тасевски“ – Скопје. На 23 февруари 2023 го добива и вториот мандат. Во рамките на своите овластувања одлично менаџира и раководи со воспитно – образовниот процес во училиштето, се со цел на учениците да им овозможи да се стекнат со солидни знаења од оние области кои ги избрале да ги изучуваат и на тој начин да ги подготви да го трасираат патот по кој ќе чекорат и непречено ќе ја креираат својата иднина.
Александар Сибиновски е оженет и татко, кој ги почитува и се залага за семејните вредности на луѓето.
Управни органи
Директор
- ја предлага Годишната програма за работа на училиштето и презема мерки за нејзино спроведување
- ги извршува одлуките на Училишниот одбор
- врши избор на наставници, стручни соработници и одлучува за нивно распоредување
- врши оценување на резултатите од работата на наставниците, стручните соработници и работниците
- одлучува за престанок на работниот однос на вработените
- поднесува извештај за успехот и постигнатите резултати во воспитно-образовната работа до Град Скопје и БРО
- поднесува извештај за реализација на Годишната програма до МОН
- поднесува извештај за материјалното работење на училиштето до Училишниот одбор.
- педагошко-инструктивна работа
- административно-организаторска работа
- аналитичко-истражувачка работа
- финансиско работење
- соработка и застапување на училиштето
- педагошка документација и администрација
- работа со Училишната заедница.
Помошници - директори и раководител на настава
Во Годишната програма за работа на училиштето, помошниците-директори и раководителот на настава во албанските паралелки учествуваат во реализацијата на истата на следниов начин:
- му помагаат на Директорот во раководењето со училиштето
- учествуваат во реализацијата на организациската структура во наставата и даваат предлози за нејзино подобрување
- учествуваат во работата на Наставничкиот совет и сите други органи во училиштето
- ја следат работата на наставниците и другите вработени
- градат атмосфера на колективност, доверба и почитување
- даваат предлог-мерки за отстранување на одредени недостатоци, подобрување на работната дисциплина, стимулирање на квалитетот и сл.
- водат кратки записници за увид на Директорот
- учествуваат во изработката на Годишната програма за работа на училиштето
- учествуваат во изработката на Годишниот извештај за работата на училиштето
- соработуваат со класните раководители
- одржуваат настава по својот предмет со половина работно време.
Помошници-директори во учебната 2022/2023 година се Дејан Крстевски и Соња Павлова, а раководители на наставата се Марија Стамболиева и Катерина Малова-Младеновска, а во паралелките на албански наставен јазик е Арбен Идризи и Бунјамин Алими.
Административна служба
- Секретар Светлана Анева
- Благајник – архивар Лидија Атанасовска
Совет на родители
Советот на родители е конституиран на 19.12.1995 година. Него го сочинуваат претставници на родителите кои не се вработени во училиштето. Советот на родители ја следи воспитно-образовната работа и дава мислење за нејзиното остварување според соодветна програма за работа. Бројот на членовите, нивниот начин на избор, нивната работа и целокупната организација се утврдени со Статутот на училиштето.
Стручни органи и тела
- Наставнички совет
- Совет на година
- Совет на паралелка
- Стручни соработници
- Стручни активи
- Раководител на паралелка
- Комисии