За нас
СУГС „Владо Тасевски“
- Скопје
Нашата приказна започна во далечната 1959 година, кога Работничкиот совет на Железничко-транспортното претпријатие Скопје, во согласност со Уредбата за центрите за стручно образование на работници, објавена во Службен лист на ФНРЈ бр.30, на 29.5.1959 година, ја донесе Одлуката за формирање Центар на железничарите за стручно образование на младинци и возрасни.
Воспитанието и образованието се темелите на една држава и ако тие не се цврсто поставени, тешко на таа куќа наречена општество. Како наставници и воспитувачи се гордееме со низата генерации кои минале низ нашите училници, ходници, двор.
Просториите на СУГС „ Владо Тасевски“ се исполнети со младост, убавина, љубов, смеа, палавост и со помалку или повеќе учење.
Наставните средства се значаен фактор за успешно реализирање на воспитно‐образовните цели и задачи. Опременоста со наставни средства, помагала и материјали придонесува за зголемување на активноста на учениците, подигнување на нивото и квалитетот на наставата и реализирање на програмските барања, а со тоа и за постигнување на подобри резултати.
Училиштето располага со неопходната опрема за изведување теоретска и практична настава.
Целата опрема на училиштето е во функција на наставниот процес, со што е воспоставена поврзаност меѓу теоретската и практичната настава. Опременоста на училиштето и пристапот до Интернет овозможуваат да се реализираат квалитетни проектни активности во сите струки.
Училиштето ќе продолжи да вложува во осовременување на наставата и збогатување со нагледни наставни средства и помагала.
- Александар Сибиновски - Директор
